EFOVNA ak ASL WOLDWIDE LOJISTIS, vle valorize komin Kenskòf

spot_img

Evèy Fòs Viv Nasyonal (EFOVNA), nan tèt kole ak ASL Woldwide Lojistis, ap òganize, soti 30 avril pou rive 2 me k ap vini an la, premye edisyon festival ak fwa yo nan komin Kenskòf, nan lokal « Le Refuge » anba Tèm « Pote Kole Pou n Bay Kenskòf Jarèt » .pandan 3 jou sila yo, se sa ki la k ap wè l tèlman pwal gen seriz sou gato a, si n ap repete aprè òganizatè yo, Marc-Elie FLEURIZARD, Nene Raphaël, Lynda Marc, Eriel NEVIL pou n site sa yo sèlman.

Poukisa Inisyativ sila?

Ak yon souri sou lèv yo, inisyatè yo reponn pou fè konnen aktivite sila rantre nan kad vizyon yo genyen pou valorize prodiksyon Nasyonal la men tou kilti nou nan objektif pou kontribiye nan devlopmam komin Kenskòf.

Sesak fè pou okzayon sila, yo bay garanti patisipan yo ap gen chans dekouvri epi apresye zèv atistik nou yo, pwodui agrikòl yo, bèt nou yo, elatriye.

Pi lwen, òganizatè yo ki t ap pale konsènan ekspozisyon yo presize pent yo ap gen yon gran pati kote anpil atis ap gen pou pwodui yon latriye tablo. Atravè tablo sa yo, patisipan yo ap konprann divès istwa, reyalite. Mete sou sa, ap gen defile moto, Bann rara. Pou kontinye blayi lajwa sou kè sila yo ki paka tann randevou sila, responsab yo endike yon dividal gwoup mizikal, eslamè, powèt, ki pwal gen pou gate sa nan met plezi epi fè asistan yo dekouvri talan kenskòf genyen.

Responsab yo ki chaje kou lapolòy pou 3 jou evenman sila, pandan yo ouvè 2 bwa yo pou tann sipò kèlkeswa kouch nan sosyete a, nan respè ak pwensip.

Aktivite sa se ap okazyon tou pou reprezantan divès zòn prezante sa lakay yo plis pwodui tankou : Ti gwav ap reprezante ak Dous Makòs, Jeremi ak Tonm Tonm, ponmkèt, tandiske depatman latibonit ak lalo, san bliye yon bann lòt kote nan peyi a k ap prezan.

Pou fini, òganizatè yo anonse y ap gen pou onore divès moun nan seksyon kominal ki nan Kenskòf nan kad premye edisyon festival ak fwa sila.

Derniers articles

Related articles

LAISSER UN COMMENTAIRE

S'il vous plaît entrez votre commentaire!
S'il vous plaît entrez votre nom ici

error: Le contenu est protégé !!